Përfaqësuesja e lartë e Politikës së Jashtme dhe Sigurisë e Bashkimit Europian në Tiranë, Federica Mogherini deklaroi sot në këshillin e Ministrave të Jashtëm të Bashkimit Europian se ky i fundit duhet të angazhohet fuqimisht për Ballkanin Perëndimor. Në këtë takim, shefja e diplomacisë europiane, Mogherini, ka njohur ministrat me rezultatet e vizitës së saj në rajon. “Bashkimi Europian duhet të angazhohet fuqimisht për ballkanin Perëndimor. Të mbështetet rrugëtimi drejt BE i vendeve të ballkanit”, ka thënë përfaqësuesja e lartë e Politikës së Jashtme dhe Sigurisë e Bashkimit Europian në Tiranë, Federica Mogherini. Ndërkaq, pritet që ky këshill të miratojë konkludimet, të cilat do të jenë baza për raportin, që liderët e 28 vendeve anëtare do ta miratojnë për Ballkanin Perëndimor, në samitin që do të mbahet më 9 dhe 10 mars në Bruksel.
